Paka lebre ngananu, pa lubu bin cumenu... ca no seta - Voz Guineense



Ampus
paka lebre ngananu, pa lubu bin cumenu... ca no seta
anos tudu i difuntus mas e kana ntindi
no corsons cata cansa punta
na coberta di guinendadi, sereno de lei di con
no ta pera cambansa mas ki nunca i tingui
cassabi ta rodianu corsons mas pa ke malvadessa
regulu ku corda na rabada
faca na garganti, sindjidura di cancuram
pabia i medi ou i ta ndjatal nam
mas no sibi di kuma i ka discarna
ou talbes i ka djustu diel, koitadi di rugulu
anos homis no torna marra panu pa kumpanha
matchundadi di almas na difuntus roncantis
no torna sedu djugude manhotis no na pera pa ba ntera elis
dufuntus bistidus di kansare, mas e ka na ntindi
algum dia arma mata morto
ou sera qui padja ta kema yagu na mar
utrus bai ba dja, utrus padidu
matchus ku ntidi ba matchundadi, mortu leba elis dinna
odja sol cunsa mansi so, e barsa fugu ala e na beija infernu
anta kinki matchu pa vensi morto
max na no terra sibu faxi mal bu ta dadu curru...
No Grita elis, no pupa elis no considja no ermons
paka yagu sibibu toma conta di no tabanca
casas na bi dingui, mamadjombo na bin mandji
combersas na bin terbessa, orredjas na bin pupa
matu na bin fadiga, floresta no cumbossa
ma se ka seta bin obinu, no oredjas na bin mancu di barrudju
ma no kana kurri delis anos i se ermons
pabia si oredja intchi reia nada mas i kata wobi
kilis ku fica ta bin ten dur di curpus
ma no cana tchura dja mas, pardeus i djusta
pabia anos tudu i difuntus
Autoria de Mamadjam Djalo
Fonte:guinebissauonline.blogspot.com
Tags:
Resnullius

Qual é a sua opinião?

Não é necessário se identificar para comentar este artigo/notícia. Você tem o direito de dizer o que pensa e nós queremos ouví-lo/a. Participe, vamos dialogar!